اي قلم ياز دفتره وقت طلا الدن گيدور 1

روزگارون يوخ وفا سي روزگارالدن گيدور

ياز بشر آللاما  دنيايه  فنادور فانيدور-2

رحمي يوخدور هيچ كسه عينا مثالن جانيدور

مومنه زندان وليكن كافر گلزلريدور

هيچ كيمه يوخدور وفاسي بي امان الدن گيدور

سعي ايله عمر گرانمايون هدر ورمه بشر-3

ياخشي يا پيس بيرگوني عمرون سر انجامه گلر

دنيانون بير لحظه سي مين ايلوك عقبايه دير  

قدريني بول عمرودور تزتزه گيچورالدن گيدور

هيچ كيمه يوخدوروفاسي دنيانون ياخشي مثلدور-4

دوزدي دنيا زهراولسا انسا نا مثل عسلدور

عاقبت فانيدي دنيا بو سوزومه ماهسلدور

باغلاما دنيايه بل سرعتله تز الدن گيدور

اي جوان سعي ايله چات دنياده عالي عزته -5

 گلگينن زيرلواي اهل بيته خدمته

پيرو خط علي اول ايمه باشون ذلته

مابقي عزت يالاندي بير گوني الدن گيدور

اي قلم سال بير گذارون  دودمان حيدره -6

حيدرون احواليني ايله كتابت دفتره

سينه حيدر جهاندا توش اولوبدي غملره

شور حالي - دودمان حيدرين  الدن  گيدور

سندروبدي روزگارين گردشي آيينه سين -7

تلخ كام ايليوبدي عالم شاهينون هرلحظه سين

نيمه يانمش درپوزوبدي دودمانين جلوسين

هرباخاندا گوز ياشي بي اختيار الدن گيدور

بير گلستناندي بوايو دوت غنچه ترنازي وار-8

باد ظلميله سولوبدور غملي بير احساسي وار

بوردا بير هوري ياتوبدي نيت پروازي وار

باغبان غملي گلستانون گولي الدن گيدور

قويميوب چرخ فلك هيچ دودمان آباد اولا -9

چوخ سووراهل دله دنيا فقط زندان اولا

بعد پيغمبر خانم هيچ اولمادي دل شاد اولا

ديقه ديقه لحظه لحظه بوصفا الدن گيدور

هر ايشون تعطيل ادوب مولا علي منزلده دور -10

فاطمه  ذكري علينون روح مجروحينده دور

عالمون مشگل گشاسي مشكوله پيچيده دور

بحر غمده غوطه وردي فاطمه الدن گيدور

ايلشوب بير گوشه ده مات و پريشان حاليدي -11

در يانان گونن خدايا فاطمه  بيماريدي

فاطمه بوحاله قالماخ باعثي مسماريدي

گوز سالوررخصار زهرايه گورورالدن گيدور

مين ديله دينديرور جويا اولور احواليني -12

فاطمه آلموش ديز اوسته مرتضي نون باشيني

آغلوري مولا- سيليرزهرااونون گوزياشوني

سينه مجروحينه گوز ياشي گوزلردن گيدور

آرام آرام سسليور زهرا – علي جان آغلاما-13

سيل اشگون فاطمه قربان عذاره باغلاما

اولميوب زهرا عم اوغلي ديزلرون قوجاخلاما

آغليا ندا سن عم اوغلي طاقتيم الدن گيدور

ايندي كي قلبين پريشان اولدي زهرادينمرم -14

امريوه تابع عليدور اي وفالي همسرم

سن دانشسان گر منيله من فغانه گلمرم

ديمينده سن اميد و عزتيم الدن گيدور

سويله دي زهرا-عم اوغلي من دانشسام دوزمسن -15

كوچه ده اولدي نلربولدي حسن سن بيلمسن

ماجرايه كوچه شرح اولسا اولونجه گولمسن

نوري گوزدن لكه يوزدن دم به دم هرآن گيدور

گر ديسم اولدي نلر اول كوچه  باريكيده -16

ثبت اولار بي غملي صحنه صفحه تاريخيده

استمم من ذكر ادم اولدي نلر اول  سيليده

غسل ادنده سن بيلر سن قان نيه گوزدن گيدور

غسل ادنده بعضي سوزلر فاش اولار بوناندا چوخ -17

ياندوران گوز محنتي اولسا عم اوغلي عيبي يوخ

ميخيلن در صحبتي قلبين دلر مانند اوخ

غسل وردوقجا گورسن طاقتون دلدن گيدور

اي علي اي مونسيم شان ووقاروعزتيم -18

بونچه گونده سنه حدن چوخ اولدي محنتيم

گل وصيت ايليوم برهم اولور وضعيتيم

آيرولوق هنگاميدي صبروقرار الدن گيدور

بوسوزومنن توتماسون قلب شريفون هيچ ملال 19

زندگي زهرايه دنياده اولوب امر محال

آلگونان گويلوم بوساعتده ايله حقون حلال

دم غنيمت دور عم اوغلي فاطمن  الدن گيدور

سعي ايله تدفينمه قوم منافق گلمسين -20

گزيلين ايله غسلومي اول بيحالربيلمسين

سن كي گوردون يارمي سعي ايله زينب گورمسون

ايله آغلور سيل كيمي رخصارينه قان ياش گيدور

زينبيم گر آغلاسا آغلار حسينيله حسن -21

سن بيلور سن دوزمرم مسغلده تتر بوبدن

سينه مين قاني گلر جوشه عم اوغلي تازدن

غسل ادنمزسن گورسن سويرينه قان گيدور

بعضي سوزلر اوستون آشما غسل ادنده يوم گوزون -22

ثبت ايله دل دفترونده الاهون بيلسون اوزون

سا اخلا دلده سريمي قبره آپارمسغل سوزون

چوخلي سوزلر سينه ده پنهان ادوب زهرا گيدور

بيرده واردورخواهشيم فخر زمين وآسمان-23

دوت بالامنان اول مواظب اتمسونله چوخ فغان

هرزمان گوردون آنا سسلور حسين سن سويله جان

تاپشورورزهرا سنه بير بير بالارون گيدور   

چوخ چتيندور بوصيتلر سنه شاه زمن -24

زينبون گويلون آلوب من تلك آنالوق ايله سن

خاطرتات كوچه ني چوخ قويما ذكر اتسون حسن

كوچه احوالون دينده گوز  ياشي گوزدن گيدور

قلب زهراني  دلوب بو گفتگوده غم اوخي-25

سويلويوب زهرا عم اوغلي گل بيرآزقرآن اوخي

قرآنون گل جك سسي گيتي علينون وار يوخي

سس گلوبدي يا علي دور واريوخون الدن گيدور

صوت قرآنيله خاموش اولدي زهرانون سسي -26

ايواي الله دودمانون برهم اولدي جلوه سي

دوت بالادان چوخ اوجالموشدي اودم حيدرسسي

گوز ياشي گوزدن روان دامان حيدردن گيدور

اوز بالاسي مهديدن اذن آل دا يازما اي قلم -27

گر اوله ايوده ننه نيلر بالالاري اودم

بير يانقلي لحنيله زينب ديوب ايواي ننم

سينه سي پهلوسي ياره مادريم الدن گيدور

اي {مطلب}درگه زهراده ايت دلدن نوا-28

نوحه ياز صدق دليله آل برات كربلا

يا بقيع آل اوردا واردورآيري بيرلطف وصفا

ذكر ادوللرهرباخاندا گوز ياشي گوزدن گيدور

09144071805 مطلبي